5 Jun 2019

Tap chungin

Phuahtu: Mangheta
Satu: The Leprosy Mission Choir


Lenrual te nun tia ka dawn chang hian,
Tlanna thisen chu ka ngainep thin;
Thi tura an hruai te chhanchhuak tura kohna chu,
Ka leinun ngainatna hian a hliah fo thin.

Tap chungin an buhchi te fehchhuah pui mahse,
Tah, lungngaihna reng a awm lo.

Krista hmangaihna chhanga kalchhuak te chuan,
An chhuahsan khawvel hi ngai thin mahse;
An tana khualam a buatsaih ram chu thlirin,
An chhuahsan khawvelah kir an rel lo.

Tap chungin an buhchi fehchhuah pui mahse,
Lawm chungin an Lalpa kiangah;
An buhphal te an lo ken khawm leh hunah chuan,
Tah, lungngaihna reng a awm lo'ng.


Doral te lo hrangin min hual vel mahse,
Ka Lalpa ka kiangah a awm reng.

Tap chungin an buhchi fehchhuah pui mahse.

Tap chungin an buhchi fehchhuah pui mahse,
Lawm chungin an Lalpa kiangah;
An buhphal te an lo ken khawm leh hunah chuan,
Tah, lungngaihna reng a awm lo'ng.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: