Thlarau thianghlim hruai

Phuahtu: RTC Lalduhawmi
Satu: Ark of Melody

Aw unau, i ringtu nunah khan,
Harsatna i tawk thin em?
I lo thatchhiat a i dawngdah hian,
Tlakchhamna in sipai angin a nang thut che;
Lalpa a i huaina chu i lo hloh zo va,
Mahni inhrilhhleh na in i lo khat thin, unau.

Kir leh ta la, a tir a i thil tih te kha ti leh rawh,
Tichuan i sawrkhur uain thar in a luangliam leh ang.

Aw unau, i ringtu nunah khan
Ngaihthatna i zawng thin em?
I fellohna leh i tlin lohna te,
Thlarau thianghlimin a hriattir fo loh che chuan;
Thil tih in chhandamna chu hlawh i tum thin,
Ringtu i nih vang zawk in thil tha ti la unau.

Hrereng fo la chhandamna hi,
Khawngaih thilthlawn pek a ni;
I rinna chu thil tih tha in lantir zawk ang che.

Krista chu hriatreng i duh thin a,
I hriatreng theih loh vang a;
Mahni in huat em em lai khan,
A hrereng zawk che tih hriattir a duh che;
Thlarau thianghlim in a koh leh a pawl i ni a,
Chumi piah a hruai i nih vang in lawm rawh, Isu.

Tuna min hruaitu i mi lo hruai tawh zawngah te khan,
Lungngaih ni leh lawm ni tiam in lawmthu ka hrilh a che.