23 Aug 2019

Chu ngei chu ka tan van a ni e

Lettu: Julie Hmingthantluangi
Satu: Lalduhsaki, Zoramchhani


Tlaini lenkawl a thim zual lohna ram nuam,
Zan khawthim awm tawh ngai lohna hmun nuam;
Lungngaih chhumpui zing tawh lohna khawpui nuam,
Aw, chu ngei ka tan van a lo ni.

Engang tak ang ni ang maw kan thlen ve hun chuan,
Luipui kam mawi takah lungduh te nen;
Kan intawk ang chhamdamtu chawimawi turin,
Aw, chu ngei chu ka tan van a ni ang.


In hriatthiam lohna awm tawh lohna hmun nuam,
Lungrual lohna ata zalenna hmun;
Tu thinlai mah kan inhliam tawn lohna hmun,
Aw, chu ngei chu ka tan van a ni e.

Nakinah Isua hmel kan hmuh ve hun chuan,
Hmangaihna dang zawng chu a dai tawh ang;
Lalber chawimawi hunah ka tel ve ang a,
Aw, chu ngei chu ka tan van a ni ang.

(He hla hi sap hla 'This is just what heaven means to me' tih atanga lehlin a ni.)
SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: