18 Aug 2019

Hmanlai an chang zo ta

Phuahtu: Lalthansanga Ralte & C. Zomawia
Satu: Lalthansanga Ralte


Awmkhua a har ngei vawiin ni chu,
Lenkawl a thiang tlang tin hring cham del;
Zawh ka nuam awmkhawhar tinkim dawn zawng te,
Suihlungrual za i maw piallei ram zauah hian.

Aw, zamual liam in hmanlai an chang ta,
Tleitir nau nawn zaleng tual kan chai lai;
Lenrual lungduh nau ang nuihpui lai zawng te,
Ngaiin luaithli nul reng ka bang thei lo.


Thal favang lelte lo kiuvin,
Lentu chhawl li liaiah zai lo sa;
Kawlngo lo leng tlang tin mual tin chuanin,
Sirva zai mawi zawng nen suihlung an rual za e.

Ka hawi vel zolentu hring cham del,
Thlang kawrnu leng nau ang a lo tap;
Lalruang sehnawt au rawl thangkhawk ri nen,
Min zem nunhlui fam ngaih khawtlang lunglen hian maw.

Hringnun vul lai par ang chuaiin,
Puan ang hluiin, aw, a chul zel a;
Kumsul veiin zamual an liam zel si,
Nunhlui ka dawn chang hian rauthla leng mawl vai e.
SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: