Lenna khua hmun lo

Phuahtu: Lalzoa
Satu: Lalthansanga Ralte

Lenna khua hmun lo kan kar lam a hla,
Lung mah rual dun ilang ka tan parte;
Run hmun a hneh in kan kar lam a hla,
Tuar i har suihlunglen mahten mi u.

Aw, kan kar lamtluang hriau ang tawi rawh se,
Mahten awmhar tuar len ka zuam lo;
Anka rial ang a dai chhingmitah kai,
Tawh changin hlimin leng mah ila,
Inthenin awmkhawhar ka chang leh thin.

Ka dawn lungruk kimten hril ta ila,
Runhmunah leng in khiangawiah sawm in;
Kumtluang lungkham ka luah loh ai chuan,
Fam ila kan chhimtlang khawdai ngeiah.

Ka thlir ning lo kan run pawnlerah,
Tah te khian awmkhawhar tual a leng an ti;
Keipawh parte, awmhar tual ka lenna
Rial ang a dai thinlai a zing riai mai.

Chung len thiam in thlawk ila thangvanah,
Fang ila suihlunglen khawzo sangah
Suihlungrual a len ka run nuam ber
Tawnloh kar hnim riai awi ka thlir ning lo.