Khuamawii

Phuahtu: F Lalthanliana
Satu: Lalenkawli Pautu, Lalropuii Pachuau

Chung chhawrthla zan kal leinun tinuamtu,
Dungthulin seifa zingah mawihluanin;
Chhak kawl rawn zingtian siar chawngmawii,
I zarah enna a chang zawk hial mai awm khuamawii.

Aw, Zonunparmawii khuatin chhingzo leng  chhuani,
Thlang puan ang hlui lo la, zaleng tin kan lawm ang;
I hraileng chawi zawng leh i parmawi lawmtu zawng tan,
Kumtluangin vul reng la, cho rual loh khuamawii.

Muang lei kan lenlai hringnun tihlimtu,
Hei ang lenlai vulmawi hi awm maw e;
Khuandim mual liama chun i chan thlengin,
Khum zo reng awm maw e, dawntuai leng zingah khuamawii.

Chung chhawrthla zan kal leinun tinuamtu,
Dungthulin seifa zingah mawihluanin;
Chhak kawl rawn zingtian siar chawngmawii,
I zarah enna a chang zawk hial mai awm, khuamawii.