12 Aug 2019

Thawnthu lungchhiat thlak ber (Duh duh dana awm chu)

Phuahtu: Naupang Kawlhrawng & Ramenga (Triau Trackx)
Satu: Naupang Kawlhrawng, Francis & Ruatfeli


Duh duh dana awm chu, duh loh dana awmna,
Duh duh dana awm chu, duh loh dana awmna,
Hei hi a ni ka chanchin, sualna luipuiah ka pil,
Thihna nen kan in fin, misual hi ka hawihil,
Ka enlet ka nundan a kip a kawi,
Tih loh tur ka ti a, ka hmathlir a tawi,
Ka hmingthat ve chhung lah ka hlim aiin a tawi,
Ruihhlo ka ngai, a hun loah ka kai, misual hi ka bo bil,
Hmangaihte ka hliam a, dawt kawrawng ka tiam a,
Tur ka nen ka infiam a, a nawm hun a liam a,
Heti hian ka zai a, heti hian ka zai a.

Ka thlir kir a, mittui ka dang zo lo,
He ka nun ngei hi thawnthu lungchhiat thlak ber a ni;
Ka hmelhma hlauhawmber..aw..keimah hi,
Ka hmelhma hlauhawmber..aw..keimah hi,
Duh duh dana awm chu, duh loh dana awmna.

Hrehawm hmasak aia nawm hmasak han thlan chu,
Ka chan ve tur thate khutah an awm tak khu;
Ruih chhung a rei lo, mualpho chhung a rei,
Duhsaktu an kiam a, khawtlangin min vei
Hun kal tawh avangin rin hlawh a har,
Hun lo kal tur pawh thlir thiam a har,
Ka chhingmit ka chhing a, hun kal tawh ka thlir a,
Ka tan hling ka ching a, sual ka inhneh tir a,
A zun chuan min thing a, ka thlan min laih tir a,
Thihna chi ka ching a, hei hi min sengtir a,
Hmangaih te ka hliam a, dawt kawrawng ka tiam a,
Tur nen kan infiam a, a nawm hun a liam a,
Heti hian ka zai a, heti hian ka zai a.

Ka thlir kir a mittui ka dang zo lo,
He ka nun ngei hi thawnthu lungchhiat thlak ber a ni;
Ka hmelhma hlauhawmber.aw..keimah hi,
Ka hmelhma hlauhawmber.aw..keimah hi.

Hmangaih te ka hliam a, dawt kawrawng ka tiam a,
Tur nen kan infiam a, a nawm hun a liam a,
Hmangaih te ka hliam a, dawt kawrawng ka tiam a,
Tur nen kan infiam a, a nawm hun a liam a.

Heti hian ka zai a, heti hian ka zai a,
Duh duh dana awm chu, duh loh dana awmna;
Duh duh dana awm chu, duh loh dana awmna.
SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: