17 Dec 2019

Aw van Thlarau Thianghlim lo leng ang che

Phuahtu: T. Romama
 
Aw, van Thlarau Thianghlim, lo leng ang che,
Min awmpuia venghim thintu kha;
Khawngaihna aw hai der thin mah ila,
Sual tuipuia kan pil min phal suh la.

Vakvai leh kal bo tate,
Hnehna puang chhuak thei lo hliam tuar mek te;
Hruai kirin kan tidam zo si lo,
Tlaini len a har ngei e i tel lo chuan.


Van hmangaihna pâr tlana leng hnu pawh,
Sual vanga rum chang ni tawn chang hian;
Auvin i lam hi kan lo hawi zel dawn,
Van lam hawiin chakna thar min siam rawh.

Kohhrante hi thawkrim thin mah ila,
Nangman i duhzawng min zirtir rawh;
Kawng dik emaw kan tih dik lo si hi,
Rinna mitin min hmuh fiahtir ang che.

Aw, nang, chatuan Lalpa, i tel lo chuan,
He leia ro sum leh engkim hian;
Ropuina leh awmzia reng a nei lo,
Kan chakna leh lawmna i lo ni e.
SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: