Danglam ngai lo Lal Isu

Phuahtu: C. Dinthanga
Satu: The Sun Beams

He zinna ram khawvel thian te,
Hlim leh lawma ka lo pawl te;
Lawm leh lungngaih ni atan ka lo ruat thin,
Mahse, damchhung ram zauvah hian,
Khawdur chang a lo awm thin a,
Chutin thian ka ngaih ten min lo phatsan thin.

Danglam ngai lo Lal Isu 
Nangin min phatsan ngai lo.

He zinna ram khawvel thian te,
Duh engkim ka lo hlan thin te;
Tumah reng hi an lo rinawm lo a ni,
Mahni hmasial duhamna te,
Damchhung nawmsak beiseina ten,
Karah thu a lo thlun avang hian ka rum thin.

Danglam ngai lo Lal Isu,
Nang chauh i rinawmber fo.

Thianten min phatsan avang hian,
Ka thinlung hi a chau thin a;
Sual avang hian ka lo tap fo thin,
Mahse, chatuan thian a siam tu,
Thian phatsan ngai lo Lal Isua,
Thian tha ber atan kei hi min lo sawm.

Danglam ngai lo Lal Isu,
Chatuana ka thian i ni.