Fam ngaite min hnem rawh

Phuahtu: Lallianmawia Pachuau
Satu: Helen Zaithankungi

Damlai nun ka tan tahna,
Hlim nan kawl a eng si lo;
Hlim tea lungrual a leng thin kha,
Fam khawpui tualah mi liamsan ta.

Piallei thlan thimah a zal ta e,
Lei hringnun hian e ka tuar thiam lo;
Lal nunnem, fam ngai te min hnem rawh.

Chhunni reng a sei lua e,
A zan khua a tawi si lo;
Hraichawi leng ar ang vai sakhmel hi,
Thlir changin tah zai ka rel leh thin.

Tlaikhua lo hnim riai riai e,
Siang ang lawi mi pa te zawng;
Kei ka pawmlai ve khawnge maw,
Sakhmel tawn ni reng a awm ve lo.

Zantiang reh bawhar khuang e,
Lunglen puan ang lo tharin;
Kan nunhlui liam hnu ka dawn kir a,
Chun lungmawl tuara'n a sang lua e.