17 Dec 2019

Jordan lui kamah ka ding a

Phuahtu: Rev. S. Stennett
Lettu: Saitawna
 
Jordan lui kamah ka ding a,
Nghakhlel takin ka thlir;
Kanan ram nuam lam chu ka thlir,
Ka chatuan hmun tur chu.

Nakinah chu ram nuamah kan chawl ang,
Lui râl leh lam mawi takah chuanin;
Beramno fakin hla mawi tak chu kan sa ang,
Isua hnena cheng reng turin.


Chu ram mawi tak chungah chuanin,
Chatuan eng chu a awm;
Kan Lalpa Isuan ro a rel,
Thimna a awm tawh lo.

Eng tikah nge ka thlen ve ang,
Chu ram mawi leh nuam chu;
Kan Pa hmel duhawm leh lawmawm,
Eng tik nge ka hmuh ang?

Ka rilru lawmin a lo khat,
Leiah ka cheng rei lo’ng;
Jordan tuipui fawn vel mah se,
Him takin ka kai ang.
SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: