17 Dec 2019

Ka damlai nun dawn changin

Phuahtu: T. Romama
 
Ka damlai nun dawn changin, Hrehawm leh phurrit phurin,
Hun leh ni hian min her liampui leh thin;
Mahse Lalpa tan thawk a, A rawngbawl hna hlen zel hi,
Harsa tiin ka lo zam leh mai thin.

Miten min chhiar, min thlir reng e;
Ka awmdan zawng zawng min hai lo,
Krista nun mawi leh Chanchin Tha,
Keimahah hian hmuh an chak thin.


Krista rilru put zel a, A awmdante zir zel hi,
Ringtute awmna tur a lo ni si;
Mahni pawh inphat vek a, Tlachham tana nun pek hi,
Krista duhzawng chu a ni zawk si a.

Suala hliam hnu kei ngei hian, Thlarau Thianghlim chu hnarin,
Lal Krista chu ka rum nawn tir fo thin;
Aw ka chak lohzia hriain, A hmel min hmuhtir leh thin,
A hmangaih aw ka lo hre thar leh thin.

Aw, A duhzawng hre tur leh, Khawngaihna a khah zel hi,
Kei saruak bawlhhlawh hian a thei si lo;
Aw thlarau min hruai zel la, I duhzawng min zirtir la,
Krista rilru keimahah lantir rawh.
SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: