7 Dec 2019

Kan chhandamtu chu a lo kal

Satu: Bethlehem Kohhran Zaipawl

Kan chhandamtu chu a lo kal piallei thim chu rawn bel in,
Thihna thim hnuaia thu te tan nunna eng a lo zam vel;
Hlimna leh lawmna thawm rimawi in piallei a nghawr vel e.

Immanuela mi hlimin i zai ang u,
Thihna ata nunnah min hruai lut dawn si;
Van khawpui mawiah, min hruaiturin,
Lei hrehawm thimah a lo kal a,
Bethlehem ranthleng chu rawn bel in,
Hringfa te damna a rawn thlen ta.


Riangvai chanhai tan alo kal, van Lal Immanuela,
Lei a lal ten do mahse a rorelna a kin lo ang;
Lei rohlu ber ral mahsela a Lal ram a zau zel dawn.

A sak hming reng hi a mawi e, remna Lal Immanuela,
A hmangaihna reng a thuk e, van Lal leia lo piang chu;
Hei ang a Lal lo piang hi vanhnuaiah an awm ne maw.

Aw Isu, Lal Immanuel kan hnenah awm reng ang che,
Hmana miten hnawl che mahse tunah rohlu ber i ni;
Kan hlimna leh kan lawmna ber chatuan nunna min pe tu.
SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

1 comment: