17 Dec 2019

Kan fak zel dawn

Phuahtu: Madinmawia
Satu: Hlutei

Riangvai saltang chhuahna turin,
Isua Krista a lo vakvai;
Tihduhdah tuar, rethei riangvai,
Isuan kraws-ah min hnehsak ta.

Halleluiah, Halleluiah,
Lalpan thil ropui min tihsak e!
Tawtawrawt leh Phenglawng rite nen;
Darbenthek ri thum leh fiakin,
Perhkhuang tingtang chi hrang hrang nen,
Khuangte leh lamin kan fak zel dawn.


Hmangaihnaa min zawng chhuaktu,
Ka rul seng lo`ng hring chan chhungin,
Misual dum ber min silfai ta,
Chatuan nunna ka lo nei ta.

Ringtu zawngte, kal zel ila,
Lalpa hming thianghlim ropui chu;
“A thianghlim e,” ti a auvin,
Kan theihtawpin kan fak zel dawn.
SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: