13 Feb 2020

Ka leng tar awm chuang lo

Phuahtu: T Lalnunpuia
Satu: F Zomuanpuia


Ka dawn lungruk kimtein ka hril dawn e,
Tun min lo sel lo kei chhuihthangvala;
Ka dawn lungruk hre lo hian val uangthlawnan,
I leng, i leng rei min ti.

A ni tak e, ka zep lo ve,
Val senior pawl lungkham nei lo ka ni;
In nuthai ang mai mai hi zawng duh ila,
In huan a thing leh mau zat ka hmu ang chu,
Lo lungkham suh ka nau vala,
Ka leng tar awm chuang lo.

Hun leh ni min nghak lo ten an liam zel a,
Rawlthar te pawn runlum nuthai an zal pui zel,
Kei erawh zalpui nei lo in zanmu ka chhing,
Ka duhtui luat vang em ni?

Hmangaih lungdi tur ni maw ka tawng ve a,
Kel phung tap chim hmu an sawi ang ka leng zantin;
Mahse, hmangaih biahthu hlan zai rel duh lovin,
Thianthaah mai kan in chan!

A mak mang e! a mak teh e!
Sakhmela mi rualpawl a inngai ve si hian;
Chhai tur lanu reng ka tawng thei silo,
Hmangaih biahthu min hlantu reng an awm silo,
A pawi nem le,a pawi chuanglo,
Ka leng tar awm chuanglo.

Tunah nang pawh zuapa ilo chang ta a,
Pakhat i pua, pakhat i kai, i van CH-K em!
Kei uankhum val senior, val awlthawnga hian,
Ka nuih, ka nuih fo thin che!

Tunah kei zawng ka lungfing tawh a,
Lungdumtu nuthai tur ka tawn hma loh chuanin;
Hang ber atanga a ngo ber thleng pawn,
Bahsamsei hniang leh silh puan feng tawh phawt chu,
Ka zawng zel ang, ka zawng zel dawn,
Ka leng tar awm chuanglo.

Lo lungkham suh ka nau vala,
Ka lengtar awm chuang lo.



SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: