Pathian hun tiam

Phuahtu : Rualthankhuma  Colney
Thluk siamtu : Evan. C. Lalngurliana (L)
Satu: VFC, Aibawk Pastor Bial Zaipawl

Hnam hrang leh hnam hrang an indo ang a,
Ram hrang leh ram hrang an indo ang a;
Lir nasa takin a nghing, a nghing ang a,
Hmun hrang hrangah tamte a lo tla ang a.

Hri te a leng bawk ang,
Manganna, chungpikna a zual zel ang a;
Rawn pan thuai mai rawh i hun a liam hma hian,
Pathian hun tiam a lo thleng mek e.

Vanah te pawh khian thil hlauhawm tak leh,
Chhinchhiahna te pawh a lo awm ang a;
Tuifinriat rum leh a fawn avang chuanin,
Ringlo mite hlauin an khur tawh ang a.

Mo in a pi chu a do tawh ang a,
Pi pawhin a mo (Pi in a mo chu) a do bawk ang a;
Khum pakhat chungah pahnih an mut pawhin,
Kal bo puiin pakhat hnuchhiah a ni ang.

Pa in a fa chu a do tawh ang a,
Fa pawhin a pa a do bawk ang a;
Remna leh muanna an tih mek lai pawhin,
Thinurna no chu an in vek tawh ang a.

Tun hi hun lawmawm chhandamna ni chu,
I hnarkir ang maw khawvel sual tlan tu;
Himna zawng chuanin engkim a chan tawh ang,
Ka hming vanga nun chan apiang an lawm ang.