Eheu Eheu (Buaina chhum kara leng Zofate)

Satu: Laldingngheti

Hlimten dawn zai la,
Chawlhtui ningzu, tuitling, K-chuang, rakzu...

Eheu! eheu! a rui a tlai nileng an tam ta em e,
Engtin ngai ve maw khuanu lengin;
Damchhung tawite thih hnu sei tur dawn lo rengin,
Awi raupui phuar vel ang an meng phuai mai.

Buaina chhumpui kara leng Zofate'n,
Puan ang hnawl ila chawlhtui ningzu;
Chutin kan than lo sangzel se,
Lungdam ten laitual i leng za ang.

Eheu! a hrang chuang ngei chun leh zua, hraileng tawnah,
Awi! talhfung chawiin a au vel, pheilai a vawr;
A hawl kim ngei e , u leh nau, lenrual tawngin,
Ka hlau ber mai, aw! tur tui ningzu.

Awi! dawn an tam lua e, K-chuang Biaksailovi,
Hmatiang sawn a har,  chin lem a awm lo ve;
A mawl tual tual, a vai ruai e belpui kiangan,
Awwiii! lampui tluang laia'n a kal her luai luai.