Thawnthu

Phuahtu: Awmtea Polymer
Satu: Awmtea Polymer feat May

Tu te pawh hianin thawnthu kan nei,
A ṭhen ngaihnawm leh ṭahna te;
A ṭhen erawh chhiar loha thamral,
Hmangaihtu tawng lova fam chang.

Ka thinlung thawnthu phek tin mawitu,
I mit meng i nui hmel i sakhmel engkim;
I duh zawng, i lawm zawng leh i ngainat zawng.
Vanglaini ang maia i chanchinbu,

Phek tinah, hmun tin ah bawihte i hming hi a chuang;
Ka chhuang min ti-â-tu chu maw i sakruang,
Zan mu ka chhing thei lo ka pawngsen tlaivar;
Hrilha zilh hian awmzia ka nei lo khawnvar ka ngai.

Tu te pawh hianin thawnthu kan nei,
A ṭhen ngaihnawm leh ṭahna te;
A ṭhen erawh chhiar loha thamral,
Hmangaihtu tawng lova famchang.

A sakhming ka nghilh lo'ng,
A sakhmel ṭhatnain a bawm;
A mit meng ka mitthla an,
Sernung iangin a cham hlen ang;
A hehsen ka ngaihtuah a,
A nui hmel tur ka suangtuah a;
A ṭhatna bak sawi tur ka nei lo,
Kei tlangau hlawh nei lo.
A bahsam seiin min phuar,
A hriat ve lohin ka tuar;
A zun leh zamin min zem,
A ânka ṭang iangin a nem.
A sakruang changkha leideh var,
A pian a mawi thlir nin a har.
Khawchhak lam khian a 'first copy',
An siam ka ring a mawi a aw ri.

Ngaihzawng atan eng nge ni i duh zawng?
Eng thilin nge ni tihlim ṭhin che?
Ṭha leng tuai tir tam tak zingah hian,
Zan tin, ni tin biak atan min duh angem?

Hmanlai faraw iangin i thinlung khauh lo se,
I ânka nem zawng zawng te kha ka ta vek ni rawh se;
Lawmin ka nui ṭhin i sakhmel ka thlirin;
Dem theih ka ni lo a mawi êm a ni.

Tu te pawh hianin thawnthu kan nei,
A ṭhen ngaihnawm leh ṭahna te;
A ṭhen erawh chhiar loha thamral,
Hmangaihtu tawng lova fam chang.

I zunah ka uai e, ka uai e, ka uai,
Ka nun i tibuai e, a buai e, a buai;
I zunah ka uai e, ka uai e, ka uai,
I zunin min phuar e, min phuar e, a buai.

Tu te pawh hianin thawnthu kan nei,
A ṭhen ngaihnawm leh ṭahna te;
A ṭhen erawh chhiar loha thamral,
Hmangaihtu tawng lova fam chang.