Engtin nge lunglen ka lo tuar ang?

Phuahtu: Lalchhingpuii

Satu: H. Laldanglovi

Mahte'n awmhar changin ka dawn thin,
Hmana kan nunhlui zawng thamral hnu;
Thamrala'n ka phal lo ka thinlai rukah,
Engtin nge lunglen ka lo tuar ang?

Lungrukah mahte'n ka dawn changin,
Ka tap thin zan mu chhing lo te'n;
Ami leng zingah min hnemtu reng an awm lo,
Engtin nge lunglen ka lo tuar ang?

I zalna tukram dai ka dawnin,
Thinlaina reng a dam thei dawn lo;
Ami leng te'n min tuarpui si lo lunglen hi,
Engtin nge lunglen ka lo tuar ang?

A tawk e, dam takin aw, mangtha,
Arsi piah ramah min lo nghak la;

Lei awmhar ramah mahte'n lunglen hi lo tuarin,
Engtin nge lunglen ka lo tuar ang?