18 Jun 2020

Silhpuankhumi

Phuahtu: Anthony Vanlalrawna
Satu: Zoherliani


Khawi lam lanu nge maw ka lo tawn le,
Chung vantual nuam a leng Serafim em ni le
Lentu zing riai kara Tan Lasi zawk em ni?

Aw, i sakhmel leh i ankanem damdiai,
Zaleng zawng zingah, aw, a mawi chuang mang e;
Chhaktiang chhawkhlei par iang nang chhing zo an awm lo,
Tha ngaihnobei duhaisam lanu silhpuankhumi.


Khawi lam chun chawi nge maw i lo nih le?
Hmanah khanin dar ang i sakhmel ka tawng lo;
Tunah erawh nang ngaih lai reng ka bang thei lo.

Nang nen suihlung kan rual a rei lo em,
Tudang ngai lo te a hlimten kan lenlai in;
A riang suihlung nan mualpuiin min dan le.

A riang thinlai khamtu thalengdawni,
Tuar har tur reng an maw zunleng chhawl min ban le;
I zun ngai reng reng hian tlaini ka leng leh thin.

Siar chawngmawi puii leh hrangchhuana,
Sam ang an inthen lo an indi rial rial e;
An iangin kawp tein hlim ten i leng dun ang.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: