20 Jul 2020

Aw duhlai

Phuahtu: Bibi Hmar
Satu: Zorinzuali Khiangte


Nun khawhar hringnun hman laiin,
Nang ka lo tawng che duhlai;
Nang nen chuan khawi hmunah pawh,
Suih lung kan rual nun intawmin,
Min tiam a, chhingmita en chungin
He thu hi damchhung hmangaihber ni turin.

Mahse, maw duhtak lo ngaithla la,
He thu hi hrilh che ka duh che asin;
I vawn mek hi, i hmangaih kut hi en la,
Mawina reng reng a nei si lo,
A phu loh che ka neih rosum zawng ten,
Chhuan tur dang reng ka nei mawlh si lo.
Mahse, ka hmangaihna vang che hian maw,
Nunna chan pawh ka huam asin, aw duhlai.


Ka mamawh apiangin ka tan i awm reng,
Ka hringnun min ti chaktu;
Bawrhsawma ka lo awm in,
Ka mittui min hruk hul sak thin a,
Beiseina in ka nun i tikhat a,
Hmangaihna, hmangaihna mak nge ka sawi thiam lo

Natna ten min kian san,
A chhan chu nangmah vang a ni,
Ka ruala kalin a kut in min chelh thin,
Ka thinlung neitu tiin sakhming thar min pe,
Ka khawhar phal lo a mi zuitu ka tan i hlu ber.

Mahse, maw duhtak lo ngaithla la,
He thu hi hrilh che ka duh che asin;
I vawn mek hi, i hmangaih kut hi en la,
Mawina reng reng a nei si lo.


Mahse, maw duhtak lo ngaithla la,
He thu hi hrilh che ka duh che asin;
I vawn mek hi, i hmangaih kut hi en la,
Mawina reng reng a nei si lo,

A phu loh che ka neih rosum zawng ten,
Chhuan tur dang reng ka nei mawlh si lo.
Mahse, ka hmangaihna vang che hian maw,
Nunna chan pawh ka huam asin, aw duhlai.




SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: