Eng vang nge?

Satu: C Laltanpuia 

Eng vang nge, thian duhtak,
Sikul i kal duh loh a,
Lehkha i zir peih loh le,
Hna i thawk peih chuang si lo,
Engtin hringnun hi hmang zel che maw?
Chun leh zua thlung lu i ti hai thin emai,
I awmdan hi sim rawh, sim thuai rawh,

Eng vang nge, aw nula,
hmangaihna i sem zai le?
Val tin chhai lawr lo hian,
I hmangaih chu thlang ta che,
Val suihlung i her tir tam lua e,
Hmangaihtu che i chan hma hian sim thuai rawh,
I awm dan hi sim rawh, sim thuai rawh.

Eng vang nge, aw tlangval,
Drugs ngawl i lo vei mai le;
Zu ngawl i vei tawh bawk si,
Ruihtheihthil hi sim tum teh,
Sualna lamtluang i zawh hi bangin,
I vanglai hun hi thiltha tih nan hmang rawh,
I awm dan hi sim rawh sim thuai rawh.

Eng vang nge, aw ka pu,
Sum i eiruk reng mai le;
Nang kha hausa viau mahla,
Mi rethei chan hi dawn teh,
Ei tur nei lo an va tam tak em,
Eiruk banin tanpui te tanpui rawh,
I awmdan hi sim rawh, sim thuai rawh.