17 Jul 2020

Beiseina

Phuahtu: P.B Lalbiakzuala
Satu: Zoramchhani Band

Ka khualzin kawng tuipuiah hianin,
Min chim pil dawn thlemna fawn ten;
He lei piah lam ram ka thlir thin,
Thleng zo ve tak ang i maw?

Min kai la, ka banah min chelh la min hruai rawh,
Chhum zinga engin min thlen la;
Ka tana buatsaih thlemna tuifawn ten an chim phak loh,
Ka khumkhaw in nuam, famkima ka chawlhna tur chu.


Ka do zawh loh ruahpui lo surin,
Ka hneh theih loh ral lian mahse;
Ka van in nuam ka thlen hma loh zawng,
Ka thlah ngham lo ka kraws put hi.

Ka hnukchah hun a lo thlen dawnah,
Thihna lui ral ka lo kaiin;
Ka dailoh ram ka lo thlen hunah,
Ka bo loh nan min lo hmuak la;
I ram mawiah min hruai ang che.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: