20 Jul 2020

Belhchian dawl lo nula

Satu: C Laltanpuia & Zohmingthangi Zote

Chhailai di nei lo a ka len laiin,
Hriat ngai loh nula nen kan intawng a;
Ka belhchian hma in chu lanu zun chuan,
Min phuar vel e kei lungmawl hi.

Belchian loh nula ka ngaizawng a,
A sakruang leh kimtlang chu sawisel bo;
Mahse, a mizia leh chhungril nun chuan,
Belhchian reng hi a lo dawl lo.


Hlimte'n hmangaih biahthu in hlan dunin,
Leng dang chhai lo turin kan in tiam a;
Mahse, val dang tawnah hriat loh hlanin,
Lung min lo her san reng si maw.

A sakhmel leh duhawmna zawng te chu,
Chapo leh uanthuan nan a hmang thin a;
Valtin chhai lawrin a damlai hringnun,
A hmang zel e engdang dawn lo hian.

Van a duai e nang kher ka tawng che hi,
Lunglai chhirin ban a pel chiang ngei mai;
Phengphehlepa khuatlai hma ngei hian,
I zun ngaih hi ka bang ta e.


SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: