19 Jul 2020

Hlo har hla

Phuahtu: Suakliana
Satu: TBC Lalramkima


Minpui, buar thau ka tuar dawn ne maw,
Thangpui tiak leh hahthla, khingkhise mei bawm;
Ka veng seng dawn lo e laiherh nen,
Awi aw, ka veng seng dawn lo e laiherh nen.

Kawltu lengin a tuar dawn ne maw,
Chipa rual leh vako hrui chu an hrang e;
Kaihahling zawk em ni ban tai tu,
Awi aw, hratkawng hrui zuk ni teng tung chu le.

Hruihchun, belphuar, sesam hlo ar nei,
Suihlung in rual em ni chemsat zawng tlangah;
A riang chawnbana kai her liai e,
Awi aw, awmlai lungrual ka ngai tunkum chu.

Tawnhnianga hlo leh thlangdarsu,
Vailian hlo leh vawmkur leh chakaiafu;
Mimbung leh fanghmate, changkawr nen,
Awi aw, persin leh choakthi vei nen.

Vawkpuiabahra leh kham hlo nen,
Tawkpuihlingnei leh buarsen leh hlo sin nen;
Thurobawkbawn, kelbe, rulpuk nen
Awi aw, dawngpui leh sehnap leh taham nen.

Nuaiphuanhrui leh tlangsam, kang mang nen,
Rairahmittuitlak leh pisaumbur nen;
Lawmlai lungrual i chiar tir nghian e,
Awi aw, hmatiang sir sawn a tlai nang vangin.

Ramkawkkhek leh katchat, arthladawn,
Hlo ni en leh hlonuar uifawma ring ru;
Sangharvaibel, ramting, mauhnah nen,
Awi aw, tualvung phur hla ngei ka chhar chhuak ta.

Kawltu leng lungphang lo la bei zel rawh,
Duh leh sawmfang i chhanchhuah theihna turin
Thirdeng tuai thiama tuai hnual lo la,
Awi aw, ramchhantu kawltu leng dam reng rawh.

(He hlathu hi a zai ngaithla chunga kan ziak chhuah chawp a nia, a dik kim lo hle in kan ring a, a dik zawk hria chuan comment ah emaw kan website a contact us tih ah hian min rawn hrilh ula, a dik takin kan lo dah dawnnia.)



SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: