Tlang kan than hi

Phuahtu: TBC Lalramkima
Satu: TBC Lalramkima

Thinlai hnemtu ka duhlai mampui,
Heti maia lung min hersan hi;
A ngaihna ka va han hre lo em,
Riakmaw valeng iang min vaih tir.

Zaia ka chawi, ka tan i vullai kha,
Uaia, tila, mualliam mai an zawng;
An mawi lul lo nunhlui dawnin,
Lanu i mawina kha tan i hlan tawh si.

Val dang tana i la hlan loh,
Aw, i hmangaihna thianghlim ber kha;
I thaikawi leh i hlimthla nen,
Thinlai dam ten min hlan zawng kha,
Han dawn kir la zep rual loh, aw, tlang kan than hi.

Uangpui chang mah ila lungrunpui,
Min dem lul lo la a riang val hi;
Ka liam ta nge lengdang chhai in,
Ar ang ka vai bik hlei lo'ng e.

Lung tum loh khuanu ruat em ni,
Uaia chul kan biahthu thamral hi;
Cho loh leng chhuihthangval i tawng nge,
Eng vang nge lung i her di mampui min hrilh rawh.