I khawngaih ve lo em ni

Phuahtu: Laldana
Satu: Zirtluangpuii

Pawmlai pawh nghilhin,
Sawi tam tlang rel karah;
Nang hi ka lo bel thin che,
Duh luat vang hian,
Lunglam ka lo vai zo ta a,
I dawn lungruk pawh hrechiang lo in.

I lungdum loh di kei vang hian maw,
Tlangrel phur ngam lo mah la;
Ti em a i zunzama uai tur hi,
I khawngaih ve lo em ni?

Lungkham zual chang ni hian,
Ka ngai zual thin che;
I kianga awm hi ka ning lo,
Mahse, nang erawh chuan,
Sawi tam tlang rel dawnin,
Sirah minlo hnawl si a.

Hmangaih chhing mitdel,
Tumtawk thliar thiam lo hi;
I zunin mi bawih si maw,
A thlawn mai tur paw'n e,
Ka hmangaih zel nang che,
Engmah reng ka phut lo'ng che.

(He hla phuahtu Pu Laldana hian hetiang hian YouTube lamah a comment a:
He hla ka phuahna nula hian, kum naupang tein he khawvel hi a chhuahsan a. He hla ka phuah hi a hre hman ta em aw....tiin vawiin thleng hian ka thinlungin a la zawt reng a. Chuvang chuan...chu zawhna chhanna hre thei tur chuan , eng tikah emaw, khawiah emaw, vawi khat tal kan inhmuh leh ngei a ngai ang.)