Saron parmawi

Phuahtu: H Lalrinfela
Satu: H Lalrinfela feat Tleipuii (Mapuii)

Ka thla a kal thangvansangah,
A leng vel e, a lalnunnem kiangah;
Kanan romei leh ni tla zam vel,
Lung min len ngei ka tlei thei lo.

Ka awmkhawhar lunglen a zual emai,
Lal lenna tlang ka thlirin a lang si;
Hmangaihte par ang an vulna chu,
Jerusalem khawpui laitual mawiin an leng e,
Damna run an kai ta, lei nun an ngai lo e,
Rauthlain kan leng, thlen hlan ka nghakhlel mang e.

A va nuam dawn, a nuam dawn, a hlimawm dawn em ve,
Beramno chawimawina hlamawi sa in;
Amen! Halleluiah! zai vawrin, hei raw!
Ka saron parmawi rimtui leng vel karah,
Lawmin a hming ropui kan chawimawi tawh dawn e,
Ar ang vai a chhingkhual channa hringnun ngai lo in aw,
Thlemna thlipui kan tuar tawh lo ang,
Hmangaih lungduh te kan kim tawh ang a.

Lal hmeltha aw mawi chu ka thla in a dampui si,
Thuva nunnem sawisel bo ka duh tak chu a tha sensiar e;
I zunleng ngaih bang lo te'n maw tapin kan rum a,
Ka sam chhawl leng a huh zo zan dai far te vangin,
Kharrung rawn sawn la, vanram min hruai tawh mai rawh.

Lei hrehawmna, tahna, engkim mai hian,
Min ngaihzual tir ram ropui, engthawlna;
Thuthlung fate chawlhna tur ram khi,
Lal ropuiber lo lan hunah lei ram kan pel dawn,
Hringnun khawvel hi zawng hnutiang kan chhawn dawn e,
Lungrual takin aw, vanhla mawi kan rem dawn si.