16 Jul 2020

I thar leh thin

Phuahtu: C. Dinthanga
Satu: H. Vanlalhlana


Ngaihlai ka bang dawn lo mi u,
Ai ang i cham ka thinlaiah;
I ngaiin zan mu ka chhing thei lo,
Hai ang thangin tangah pawm ka nuam.

Zual zelin thinlaiah i thar leh thin,
Uaiin ka ring lo i sakhmelmawi;
A thar zel ang kan tiamthu zawng te,
Laikhum zala ka dawn pawhin,
I anka leh i sakhmelmawi,
A cham reng ang, aw thinlaiah.


Lam ang letin hnutiang hawi mah la,
Ariangte hi min dawn ve la;
Lenlai partlanin kan vangkhuaah,
Tinkim dawna nau ang nuih dun nan.

Han dawn ve teh kan nunhlui zawngte,
A chuai dawn lo lung kan rual lai;
Nau ang nuiin min chawi tangnemah,
Ka dawn ngam lo tangdang i pawm tur chu.

I tawnah nau ang tah ka bang dawn lo,
Min dawnpui ve la nang ngaihlai hi;
A kiang ngei ang lam ang lo hawi la,
Chun chawi loh ariang lungdamna turin.
SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: