16 Jul 2020

Lunglen hnem dun ang

Phuahtu: Lalruatfela Pachuau
Satu: H. Vanlalhlana & Lalramhluni


Mipa: Aw, hmangaih duhlai, di enchimloh,
I dam lai a ni em chung Khuanu zarah?
Thaikawi biahthu di ka rawn hlan che kha,
I lo hmu em kar hla di bawihte?

Hmeichhia: Aw, ka hmangaih di duhlai Valmawi,
I dam thin zawk maw chung Khuanu zarah?
Keipawn ka lenna kawlvalenchham atang hian,
I thaikhawi biahthu di ka lo hmu e.

Hlim te'n i leng dun zel ang famchan hma chuan,
Thaikawi biahthu di zawng te hlan dun zel in;
Hmangaih biahthu hlan dunin lunglen hnem dun ang aw.


Mipa: Tuanna tlang dangin kar lam hla mahse,
Rinawmna kan tiam kha vawng dun zelin;
Chung Khuanu leng zarah tawn ni her leh se,
Tang laiah duhten buan ang pawm leh in.

Hmeichhia: Di ka nghilh che hian min ring lo la,
Biahthu ka rawn hlan che lunglen mittui nen;
Engtin min han ngai ve thin ang che maw,
A zual zel thinlaiah nang ngaih lunglen hi.

Mipa: Dam takin mangtha tawn leh hma zawng,
Rinawmna kan tiam kha vawng dun zelin;
Tawn loh kar lunglen biahthu di zawng te,
Tawn leh ni chuan kan la hril dun dawnnia.

Hmeichhia: Mangtha, mangtha le, ngaihber Valmawi,
Nghilh zai ka rel ve ta dar ang tawn hma chuan;
Lung zawng a leng dawn ngei, aw di duhlai,
Tawnmang lamah tal intawng leh ang aw.
SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: