Ka damna

Phuahtu: Darpuii Sailo
Satu: Zoramchhani

He khawvel hrehawmna te hian nitinin min um reng a,
He lei hringnun hi ka zir thin, ka zir thiam thei lo;
Aw Lalpa, engtin nge ni ang le,
Chakna reng ka nei lo I felna sil in min bel la,
I ralthuam famkimin min thuam rawh,
Chakna ni lo in I thlarau zawkin le,
I thupek te hi ka theihnghilh ngai si lo a,
He seol natna hi ka do ve ang.

Ka zawng thin damna tur,
Ka chung thangvan sangah;
Thlawkin ka leng ka leng thin,
An sawi damna run sang pan turin,
Thlang kawr vai damna run sangah pawh,
Anka dam ten min hlan damna dawi,
Lei danin thisen chu min pe thin,
Ka dam zo chuang si lo,
I thisen chauh a tawk ka dam nan.

Ka taksa hliam tuarna tur lam pana min hruai laiin,
Kalvari lam pana an hruai lai hmel a lo lang,
Aw, ka Lal ngaihnatawm, kei pawh ka zui ang che,
Min kai la, min hruai rawh aw i thu ang zelin,
I tlang thianghlimah chuan natna reng a awm lo,
Min tidam la, tichuan ka dam ang a,
Mi chhanhim la, tichuan ka him ang,
Ka fak fo chu i ni si a.

Sawi nawn leh fo chu ka duh Kalvari chanchin,
A duh apiangte tana damna;
Lungngai taka I tuarna thing Kavari,
Lungkham dang ka nei lo,
Nangmah chauh hi I ni ka damna,
He lei taksa a lo ral hunah chuan,
Ka chhingmit pawh min hawn sak ang a;
Ka chhandamtu hmel chu ka hmu ang,
Nunna thing daihlimah ka chawl tawh ang.