Ka thlang ber che

Satu: Zorinzuali Khiangte

Kan karah hmangaihna lo piang hi duhlai,
Sawi thiam a har, hriatthiam a har;
Lenna tlang dang leh hmelma leng vel hian,
Min then lul lo se, lengdun zel ang aw.

Enga'n hmanah khan kan intawn loh le,
Khawia'n nge maw i lo awm le;
Suihlungdum tu i tling zo ngei kei ka tan,
Ka hmangaih che, ka duh ber che,
Kumtluang atan ka thlang ber che.

Ka hringnun kawng chhuk chho ka zawh lai pawhin,
I hmangaihna chuan min zui reng si;
Ka tan hian i hluber, kei ka tan hian,
Nang ang lungdumtu ka tawng tawh lo'ng e.

Kan chun leh zua te pawh kan tan hian bawihte,
Chhim thlipui iang hrang thin mahse;
Kan tiam sa biahthu di i vawng dun zel ang aw,
Kumtluang atan e, i lengdun zel ang aw.