Nang ang

Phuahtu: Zoremi Colney
Satu: Zorinzuali Khiangte

I tang bel a ka hmangaih che,
Ka ning ngai lo'ng che;
Kumtluang atan ka thlang tawh che tia,
Biahthu ka hlan, ka tiam che kha,
Tunah pawh a la pangngai reng a sin.

Mahse, nang chu duhtawk nei lo,
An sawi hmangaihna semzai thiam;
Rinawma tlachham i lo ni si,
Ring em em chung che hian i tang ka lo bei a,
A pawi ka ti, nang ang hmangaih hi.

Duh leh lengdang hmangaihna chu,
Va pawm ta la e, va thlang ta la;
Kei chuan hlan zel nang che
Duhsakna sang ber i tan hian
Tawrh thiam zai hi ka rel zel tawh ang e.

Aw le, duhlai i tawnah,
Ka chan tawk hi e, a tlawm tih ka hria;
Mahse ka thinlai na,
Tui ang ti nem, ti dam tur hian,
Duhaisam nang chhing zo ti chung zelin.

Mahse, chutih hun chuan,
Min dawn let thin mahla;
Awmzia reng a nei tawh bik lo'ng
Nang nen sam ang then hi,
Ka duhthlanna a ni si.