29 Jul 2020

Kan ram riangte

Phuahtu: C Lalkhawliana
satu: Lalenkawli Pautu


Zofa zaleng kan lenna Zotlang ram nuam,
I mawi em mah ti ila lung zawng a awi kim lo;
Thendarh leh awphranna dan a bo hma chuan,
I chhunga cheng Zofate him kan awm lo.

Kan ram riangte hi timaia awm tur,
I phal thei em ni han dawn ve la?
Lengi, Vala, Zofa leng zawng i tangrual ang,
Zoram thar mawi leh duhawm i siam ang u.

Khawvel fin leh thiam hmasawnna sang zelan,
Mawl leh at hnufualna main sual lam hawisan la,
Dik leh fel rorelna thuam in bel chungin,
Zofate'n kan chhuan tur Zoram thar din la.

Chung Pathian chakna ringin kan kal zel dawn,
Ram tina Zofate insuihkhawm leh zai rel ang;
Inlungrual leh rinaawma kan awm phawt chuan,
Kan ram, hnam leh sakhua pawh a him ngei ang.

Chhinlung chhuak an unau tu'n min sel awm lo,
Ramri hran daidana leng unau inhai lo ang;
Hnam khat thlahtu hmun unau kan ni alawm,
Ram khat puan zarin kan insuihkhawm ngei ang.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: