Lalpa i van i kut chhuak

Phuahtu: C Durthanga
Satu: Lalenkawli Pautu

Lalpa, i van i kut chhuak,
Thilsiam tinreng zawng zawng leh,
Ni leh thla leh arsi leh boruak nen,
I van daifim, sik leh sa,
Leilung thlai hnah nem zawng tan,
Nunna malsawmna a ni si.

Han hawi vel ila, tlang tin,
Mual tin pawh va chuan ila;
Lalpa, i siam loh engmah,
An awm lo, he lei chinah.

Mahse, Lalpa kan Pathian,
Hringmi awih lo fate chuan;
"Siamtu chu a awm nem maw?"an ti thin,
Mahse, ni leh thla, arsi,
Lamtluang zawh an buai nem maw,
I awm lo tih rual em ni le?

Lalpa kan Pathian ropui,
Leilung chhunga thil siam leh,
Thangvan sanga i thil siam zawngte nen,
Lalpa nang chauh hi siamtu,
I nihzia kan hriat avangin,
Chawimawina tinreng kan hlan a che.