17 Jul 2020

Lo hnai rawh

Phuahtu: Joseph L. Ralte
Satu: Israel Lalbiakrema


Ka thlarau nunna chauh changin,
Ka ro, ka bo, hlauin ka hnim;
Thlaler roa hnuhchhawn ang maiin,
Nun khawhar leh ruakin ka rum.

Lo hnai rawh, Lalpa lo hnai rawh,
Ka auh che min chhang si lo;
Ka nun ram a chau zo e,
Lo hnai rawh, Lalpa lo hnai rawh.


Engchen nge i hmel i thup dawn,
Ka ngui, ka zuai, hlimna a bo;
Ka tawngtai chhanin awm thei si lo,
Nun hian awmzia a nei lo e.

Hringnun zinkawng ka zawh laiin,
Thlasik, fur, thal a lo thleng thin;
Chauh leh ngui chang a lo thleng fo,
Ka rinna kawng fiahna a lo ni.

Ka hrethiam ta Lalpa hei hi,
Nangin mi kalsan reng reng lo;
Keimah fiah nana ngawi i lo ni,
I hlat poh leh ka duh zual ang che.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: