19 Jul 2020

Parmawi Lalsangpui

Phuahtu: TBC Lalramkima
Satu: TBC Lalramkima


Saron, rosepar leh phaizawl lili,
Ruahtham loh hling zinga parmawi ang;
Ka hmangaih i nih lai zingah
I par zu tlan hi ka van duh em

Aw, ka hmangaih, ka ta ni la,
Keipawh i ta niin;
Hmangaihna rinawm min hlan ve la,
Chhaktiang senrhi parmawi Lalsangpui.


Hlimte'n runhmun len ni her ve se,
Ka duh ai sam hi a kim ngei ang;
Ka hmangaih i ni min ti ve la,
Lungchim te'n laikhum kan zal ngei ang.

Mahse, ka tan e, kham chhawrdawha,
Hlobet pangpar ang i lo ni e;
Tha chungchuang phu loh leng Lalsangpui,
Ka hmangaihin, aw, ka ngaina che.

Hmangaihnaah ka uai zo ta e,
Hmangaihnaa tluchhe tawh hnu hi;
I hmangaihna in min kai tho rawh,
I hmangaihna, aw, ka ngen a ni.


SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: