19 Jul 2020

Promise dawn chuan

Phuahtu: TBC Lalramkima
Satu: TBC Lalramkima


Nang nen kan intawn hun rei lo te an,
Karah hmangaihna chhingmit intawngin;
Hmangaih biahthu di kim ten kan hril dun,
Mahse, run hmun len dun a rem mawlh si lo.

Ka hmangaih ber, ka duhlai Thangpui,
In run in lumtu i chunnemi leh;
I chinlai unau i hmangaih vangin,
Ka tawnah khiangawi rem rih lo mahla,
Kumsul lo vei se tiin min tiam la,
I promise dawn chuan e ka lo nghak ang che.


Ka hmangaihna che i hriatthiam nan leh,
Kumtluang ka thaia i chan ngei theih nan;
Ka hmangaih ber leh duh ber ni turin,
Engtin nge i tan hian ka in hlan ang le.

Keimah vang hian e, tlangrel phur mah la,
I anka chauh paw'n min dem lul suh aw;
Duhluat vang a ni tih lo hrethiam la,
Ka tlin lohna zawng zawng min ngaidam zawk rawh.


SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: