22 Jul 2020

Parmawi rimtui

Satu: Vulmawi

Zotlang sangah parmawi tinrengte,
Chhawkhlei, senhri an vul chiai e;
Parmawi tin vulna hmun nuam rammawi ka thlirin,
Chu hmun mawia len ve ka nuam e,
Parmawi rimtui vullai chenin,
Tudang ngai lo a kumtluanga len ve hi.

Kan kalna kawng lamtluang ,
Chhoin hrehawm hle mahse;
Kan hmaah kal ta te umin i pen zel ang,
Nang nen, lenrualte nen,
Parmawi rimtui i thliak ang.


Chu hmun mawia zaleng dangte zawng,
Zalenna par vullai chenin;
Suihlungrual zate'n hlimni par an tlan e,
An ianga len ve ka nghakhlel,
Kawng chhuk chhoin hahthlak mahse,
Kimte'n rual zawng hian raltiang i kai ve ang.

Parmawi vulna raltiang han thlirin,
Suihlungruala hmatiang sawnin;
Zaleng rual zawngte'n pheifung i khai nang aw,
An hril, an sawi hmunmawi kan thlen chuan,
Chuaini nei lo hlimni chenin,
Rualduh leng zawngte'n nau ang kan nui ve ang.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: