22 Jul 2020

Rihlipui (Nuih zai a rel ve ta)

Phuahtu: Nghaka (Rihlipui)
Satu: Eden Tharnghaki, C Lalawmpuii


A ngurfa lengte tlawh loh ramdaiah,
Zo tumsanga ram parmawitu dil nuam;
Hram thiam, bual thiam, tui va lungrual leh,
Lengngha lungrualte laitual an lenna,
Lairila'n nghilhlai i har ngei e,
Partinthang an vulna zorawn phai;
Tui chung parmawi kim lily par nen,
Siktui thiang kan dawnna Rihlipui.

Chhingkhual ka chan hian ka ngai zual thin,
Sen nau ang min chawia min awmtu;
Dar ang tawn leh ni thlir chung zelin,
Ngai chunga thenlai i tul leh thin.


Rairah a riang chuang hun kha chen kha,
A sakhming chhim thlipui iang lo hrang e;
Parmawi a sakhmel ngei thlir vea'n,
A au thin tuma'n an chhang duh si lo,
Hmanah fam rihsang an lo tih kha,
Tunah e, a thar hmangaihna dil;
Tleitir chhingmit iang meng pawl riaiin,
Tlang karah nuih zai a rel ve ta.


SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: