25 Aug 2020

Ka chakna Lalpa

Phuahtu: TBC Lalbiakzauva
Satu: Bungzung KPP


He khawvel lungngaihna leh tahna ramah hian,
Sual ritphura chauvin ka lo tlu a;
Mahse, ka Lalpa hmangaihna chuan,
A khawngaihna kut chakin min hruai chhuak leh ta.

Lalpa fakin ka zai zel ang a,
Thlemna thlipuiten min hual mahse;
Ka zam lo ang, thlemna karah pawh,
Ka chakna Lalpa, ka tha a ni si.

He ka damlai nite hi chuaiin liam mahse,
Kuta sak loh van khawpui mawiah khian;
Lei hrehawmna reng tuar tawh lo in,
Hnehna puanvar chu sinin ka la chawl ve ang.

He khawvel ropuina leh hmingthanna zawng hian,
A mawina hmangin min bei thin mahse;
Ka phatsan tawh lo'ng ka Lalpa chu,
He ka taksa hi Krista'n min chhinchhiah tawh si.

Lal sipai huaisente u, i kal zel ang u,
Saltang chhuahna Laltiang chu hawl zel in;
Kan thawhrimna a rei tawh lo ang,
Vana hnehna lallukhum kan la chang ngei ang.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: