14 Oct 2020

Ngaih lunrun

Phuahtu: Rebecca Saimawii
Satu: Rebecca Saimawii


Zantiang chhawrthla vanzawlah lo eng a,
Kan thlir dun thin chhawrthla ngei kha;
Sakhmel tawnni rei lo, ka kham lo che,
Ngaih lungrun min dawn ve maw?

Mahse, duhlai, lengdang tan i vul tur hi,
Ka ngai ngam lo, sira min hnawl tur hi.


Lunglen biathu inhlan mai kan chan tawk,
Luah loh tur di ka lo tawng che;
Kei lungmawl hian eng dang reng dawn lo khan,
Hmangaih mai che ka lo thlang si.

Theih zawng chang se vangkhua han mawi dunin,
Tu dang, lengdang reng kan ngai lo'ng;
Min dangtu tlang leh mual zo zai vang hian,
A rem si lo, aw ngaih lungrun.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: