22 Nov 2020

Vawihnih chauh

Phuahtu: K.T Rose
Thluk siamtu: Johan Lalmalsawma
Satu: Smiley


Di thlang sualin kawplai nei lo riakmaw valeng iangin,
Hun leh ni ka hmang liam a hmangaihna kawnga vanduai;
Ka ni tia ka dawn laiin nang ka tawng ta che,
Ka tana i hlutzia sawifiah turin,
Van tawng hman a ngai ngei ang.

Dingdi, sensiar, rosepar mawi tin ka hlan theih nan che,
Vawihnih chauh ka kianga awmturin ka ngen che,
Aw, vawihnih chauh, tunah leh kumkhuain, vawihnih chauh.

I sakhmel mawi, i anka nem, i nui rimawi iang kha,
Mitthlaa'n a cham reng a, tuantul dawn lo hian i tan;
Ziahloh puan ka ziak khat thin a,
Sak loh hla chang mai tur chuan ka phal lo,
Kan nunhlui min mangtha tir ka lawm a sin.

Ka lenrual duh te chuan chhingmit hai ang a tar em ni,
Hmangaihna  chhingmit delin a zial a zo che;
Hmangaihna an hrethiam mawlh lo,
Famkim lo famkima lan tir thei tu,
Hmangaihna chhingmit a del loh zia an hrethiam lo.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: