Phuahtu: R Vanlalzauva
Satu: Isak Malsawmtluanga
Khawvel buaina zual zel rualawhna ram hi
Hmu lo leh chang lo a ka awm hi
Lungawina reng thlen thei lo laka min humtu
Ka Lalpa chu fak tur ka nih hi.
Hlim takin ka zai, ka zai ang,
Ka Lalpa fakin khawngaihtu Krista'n min nei si;
Lei danin ka chhingmit zawng khar rih mahse,
Ka Lalpa hmuhna zawng a dal lo.
Mitvar tam tak hmuh lo ka Lal Krista chu,
Kei mitdel, saruak hian ka hmu si;
Ama inpuanna te chauhin an hmu thei si,
Hmu lo tu'n krawsah an khengbet a.
Vanduai bik ka ni thin lei dan ka thlirin,
Mahse, Lalpa remruat zawkah chuan;
A ropui lanna tura kei min lo siam hi,
Ka tan zawng a sawi ninawm loh e.
26 Nov 2020
SHARE
Author: Four Brothers' Mizo lyrics verified_user
Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: