24 Jan 2021

I puan hmawr khawih ve ila

Phuahtu : Lalhuthangi Chhakchhuak (Huttie) Smith
Satu: C. Luri, Sanga Renthlei


Kei pawh Lalpa, kha hmeichhia ang khan,
Rei tak natna bawmin ka awm;
Khawvel finna leh thiamnate belin,
Mangang leh lungngaiin ka rum ṭhin a.

Aw, I puan hmawr khawih ve ila,
Tihdamin ka awm ang;
Ka taksa, thlarau bawrhsawmna nen,
Tidamtu LALPA ka rawn pan ve che.

Chau leh khurin ka lo kal ve e,
Hun tlemtê chauh a awm hriain;
Isu I puan hmawr chauh khawih ve ka duh,
Nun thar neiin tihdam ka ni ngei ang!

Tunge mi khawih? tia I zawhna chu,
Thiltihtheihna a chhuak hriain,
Keimah ka ni, Lalpa ka inpuang e,
I ke bulah lawmin ka lo kal e!

Ka Lal leh chhandamtu hlu ber Isu,
Ka sualnate I ngaidam a;
Midangte I ke bula hruai turin,
Ka nun, ka neih zawng nen I tan ka hlan.

SHARE

Author: verified_user

Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: