24 Jan 2021

Ram Pangparte Chuai Tawh Ngai Lohna Hmun

Phuahtu : Priscilla L. Fanai & Rpa Ralte
Satu: Live Band Ministry (LBM)

Ka van in khi ka thlen hun chuan,
Lungkham reng nei lovin ka chawl tawh ang;
Kawng bumboh zawh chang awm mah se,
Chawl lovin ramtiam chu ka pan zel ang;
"Engtikah tak thlen ve ang maw" tiin,
Tihian duhthu aiang ka sam vel thin.

Nunna lui kianga ka in ropui tak chu ka thlen ve huna,
Ka Pa hmel chu ka hmuh hunin;
Tahna mittuite chu lawmna mittuiah an chang tawh ang,
Rampangparte chuai tawh ngai lohna hmunah.

Tlang sang leh ruamte zawh chhuaka,
Thlaler ramro hmun hrehawm pal tlangin;
Hmangaih lungduh kan chan fova,
Lungngaih mittui hul ni reng a awm lo;
Inthen awm tawh lohna Kanan ram chu,
Ngaia tapin aw ka thlir vawng vawng thin.

Nunna lallukhum chu khumin,
Ka lei taksa thlaka nun thar neia;
Nunna thingrah ka tlan hun chuan,
Thih leh natna ten thla an zar tawh lo'ng;
Tlansate chu kan in tawk khawm ang a,
Chutah hmangaihte ka then leh tawh lo'ng.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: