13 Jan 2021

Thlarau mitmengin

Phuahtu: F. Thaneihfai
Siamremtu/Thluk siamtu: KLr Tete
Satu: Sawmtea

Thlarau mitmengin khua han chuan ila,
Hmun tin leh ramtinah tahna aw a thang;
Puitu nei lo in nitin an liam e,
I chhuak ang tunah chanchintha hril in.

Hmun tih leh ramtin a thlarau riltam ten,
"Min pui rawh" tiin min au reng e;
Nang leh kei vanram nunna neitu in,
Kan puih loh chuan in hremna an tawk ang.


Mahni nawmsaknan Lalpa kan au maw,
Lungkham luat vangin maw Lalpa hming kan lam;
Hriat loh hremhmun kawng zawh mek te dawn la,
I thinlai luah se nunna nei lo ten.

Mitthla a thlirin dak la, hawi vel teh,
Beidawngin an kun e, lungngaia rum in;
Hremhmun lamtluangah nitin an liam e,
An tan inchhir, sim hun a liam tawh si.

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: