10 Jan 2021

Vaivut chu vaivutah

Phuahtu: K. Hminga
Satu: Sylvia Malsawmkimi

Hringchan rûn hnutiang chhawnin,
Zuapa'n fam khaw rûn a bêl.
Lei tisa chu hluihlâwnin,
Rauthlain tual a lêng.
A zan zâlna laikhumte chu,
Thlân thim dâi an ni ta.
Chhîng hlen tawh turin,
Riahrûn a rem ta e.
Lunglêngin luaithli kan nûl.

Chhûngkima kan lawina rûn,
Kan khawharna rûn a chang.
A sûtpui ber zuapa a fam,
kan rûn chulin a ram.
Kan hlim ni nui rî-te kha,
Ṭah râwlin an thangkhâwk ta.
Fam ngaiin kan châi,
kim ni kan râlsai
Thihna lui kâr min dantu.

Thih lui râl pela zuapa, i kiang,
Ka kâi hun chuan,
Lusûna kan lunglênzia,
Nang kaikuahin,
Thawnthu iangin, lungchimin,
Ka hrilh ngei ang che.

Chuailo par pawh an chuaina,
Hlun lo hmun he leiah hian,
Tûktin par paw'n tûk tinin,
Par chhuang ṭhin mah se la,
An chuai a, uaiin an ṭil.
Leiah an kîr leh a,
Hringnun par pawh hi,
Chuaiin a her liam a,
Vaivut chu vaivutah vêk.

Damlaini tlâte kan vûi liam a,
Famngaite'n thlahin kan hûi liam a
Mahse lunglên zir thiam tik ni,
A awm lo'ng hringnun dam chhungin.

SHARE

Author: verified_user

The Four Brothers who provides your lyrics are namely: Thlenga, AThlana, Zara & Amuana. Our main concern in this blog is to provide all genre of Mizo lyrics for the lovers of Mizo songs. You can drop lyrics request through mail @ Four Brothers' Cottage, D/II-02, Sialsuk, Kawnveng, Mizoram, India. Or by E-mail: mizohlathu[at]gmail[dot]com

0 comments: