10 Jan 2021

Isua nen chuan

Phuahtu: Chhantea Ralte
Satu: Bethsy Lalrinsangi


Lei mawina leh ropui ka thlan zawngte kha,
Hlimna min pe emaw ka tih laiin;
Ka lungngaihna min thlentu a lo ni si,
Mit hmuhin par ang vul mah ila,
Thlarau nun erawh a chul zo si,
Ka thinlung bawlhhlawh hi,
Isu, ti thianghlim rawh.

Engdang reng ka ngai lo'ng e,
Tudang reng ka ngai lo'ng e;
Lal Isua ka kiangah a awm reng si,
Lungngaih leh manganna ten,
Min chim buai leh thin mahse,
A kiang zel ang Isua nen chuan.


Hrehawmna leh lungngaihna ka tawrh zawng kha,
Nang min hnaih tir tu a lo ni si;
Ka lungawi e ka Lalpa i kiangah,
Nunthar in bul ka tan leh ta e,
Tunah chuan engdang ka ngai lo'ng e,
Ka thinlung rohlu ber Isua ka nei tawh si.

Ropuina leh hmingthanna te chan mah ila,
Hlimna tluantling ngei ka nei zawk si;
Ka lawm em e Lalpa i zarah,
Lungngaih mittui farte kha,
Malsawmna hlu tak an chang zawk si,
Haleluiah! Lalpa i hming fakin awm se.

 

SHARE

Author: verified_user

The Four Brothers - who provide your lyrics are namely: Thlenga (L), AThlana, Zara & Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our E-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India

0 comments: