Phuahtu: C. Laldura
Satu: Lalrindiki Khiangte (Daduhi), PC Lalruatmawia, Dinmawia Chawnghlut
Aw, ka di valmawi, ka suihlungleng hi,
I tawnah hlimte'n hlan ka nuam;
Mahse e, tunah tuanna mual a dang,
I ngai hian chhawl ang ka uai e.
Lungrual tea biahthu di tangnem bela kan sawi lai,
Dawn changin ka ngai vawng vawng thin;
Engtikah suihlungruala hlimte'n dar ang tawn leh ni,
Her ang maw i tang bei leh nan.
Mahse, aw, valmawi suihlung ka phang thin,
Lenna vangkhua a hmun si lo;
Karah hmelma leng, dawt thu leng vang hian,
Sam ang min then ka hlau hlel lo.
Duhlai di valmawi, thenloh biahthu di,
Rinawmin i vawng zel ang aw;
Hlimte'n run hmunah kan nuih dun ve nan,
Khuanu malsawmna dil ang aw.
10 Feb 2021
SHARE
Author: Four Brothers' Mizo lyrics verified_user
Your lyrics are provided by the Four Brothers: Thlenga (L), AThlana, Zara, and Amuana. Our main concern in this blog is to provide all genres of Mizo lyrics for lovers of Mizo songs. You can drop lyrics requests through our e-mail: mizohlathu@gmail.com or our postal address: The Four Brothers Mizo Lyrics Admin Team, C/o. Mr. R. Hrangzuala, Four Brothers’ Cottage, House No: A/166, Sialsuk, Kawnveng, Aizawl District, Mizoram, India
0 comments: